Bache bene venies
gratus et optatus
per quem noster animus
fit letificatus
Istud vinum bonum vinum
vinum generosum
reddit viurm curialem
probum animosum.
Iste cyphus concavus
de bono mero profluus
siquis bibit sepius
satur fit et ebrius.
Istud vinum bonum vinum...
Hec sunt vasa regia quibus spoliatur
ierusalem et regalis babilon ditatur
Istud vinum bonum vinum...
Ex hoc cypho conscii bibent sui domini
bibent sui socii bibent et amici
Istud vinum bonum vinum...
Bachus forte superans pectora virorum
in amorem concitat animos eorum
Istud vinum bonum vinum...
achus sepe visitans mulierum genus
facit eas subditas tibi o tu venus
Istud vinum bonum vinum...
Bachus venas penetrans calido liquore
facit eas igneas veneris ardore
Istud vinum bonum vinum...
Bachus lenis leniens curas et dolores
confert iocum gaudia risus et amores
Istud vinum bonum vinum...
Bachus mentem femme solet hic lenire
cogit eam citius viro consentire
Istud vinum bonum vinum...
Aqua prorsus coitum nequit impetrare
bachus illam facile solet expugnare
Istud vinum bonum vinum...
Bachus numen faciens hominem iocundum
reddit eum pariter doctum et facundum
Istud vinum bonum vinum...
Bache deus inclite omnes hic astantes
leti sumus munera tua prelibantes
Istud vinum bonum vinum...
Omnes tibi canimus maxima preconia
te laudantes merito tempora per omnia
Istud vinum bonum vinum...